Անձեռոցիկները տոնական սեղանի անբաժան մասն են իհարկե: Նրանք յուրահատուկ տեսք ու փայլ են հաղորդում սեղանին և հատուկ մթնոլորտ ստեղծում նրա շուրջ: Իսկ թե ինչ հետաքրքիր տարբերակներով կարելի է ձևավորել անձեռոցիկները կարող եք իմանալ հենց այստեղ: Փորձե՛ք, վարպետացե՛ք, հիացրե՛ք:

Պալատական Ծալազարդ

1. Ծալեք անձեռոցիկը անկյունագծով:

2. Եռանկյան ձախ և աջ անկյունները համադրեք գագաթի հետ:

3. Հորիզոնական ուղղությամբ կեսից ծալեք ստացված պատկերը:

4. Աջ և ձախ անկյունները իրար միացրեք անձեռոցիկի հետևի կողմից` մեկը մյուսի մեջ դնելով:

5. Շրջեք պատկերը: Դեպի վեր նայող սուր անկյունները համապատասխանաբար ուղղեք դեպի աջ և ձախ: Անձեռոցիկը դրեք ուղղահայաց:

Արքայական շուշան

1. Անձեռոցիկը ծալեք անկյունագծով:

2. Աջ և ձախ անկյունները համադրեք եռանկյան գագաթի հետ:

3. Հորիզոնական առանցքով անձեռոցիկը կեսից ծալեք:

4. Հետ ծալեք արտաքին եռանկյան գագաթը:

5. Անձեռոցիկի հետևի կողմից իրար միացրեք աջ և ձախ անկյունները` մեկը մյուսի մեջ դնելով:

Ռոմանտիկ ջրաշուշան

1. Անձեռոցիկը դրեք երեսի կողմով դեպի ներքև:

2. Բոլոր անկյունները ծալեք դեպի կենտրոն:

3. Շրջեք անձեռոցիկը:

4. Նորից բոլոր անկյունները հերթով ծալեք դեպի կենտրոն:

5. Կենտրոնում ձեռքով պահելով անկյունները, ներքևից դուրս քաշեք տակի անկյունները այնպես, որ նրանք թերթիկների տեսք ստանան:

Սա անձեռոցիկների ձևավորմանը վերաբերող նյութի I մասն էր միայն: Սպասեք մնացածին: