Բաղադրությունը

Խմորի համար

խտացրած կաթ- 0.5 տուփ

ալյուր- 300 գ

շաքարավազ- 200 գ

ձու -2 հատ

թթվասեր- 200 գ

սոդա- 1 թեյի գդալ

կակաոյի փոշի- 2.5 ճ. գդ.
կիտրոնի հյութ- 3 ճ. գդ.

Շերտերին քսելու համար

մարմելադ- 200 գ

մրգային օշարակ- 0.5 բաժակ

Կրեմի համար

կարագ- 150գ

խտացրած կաթ- 0.5 տուփ

կակաոյի փոշի- 2.5 ճ. գդ.

Ձևավորման համար

մուգ շոկոլադ- 50գ

սպիտակ շոկոլադ- 50գ

Ալյուրը մաղով անցկացնել և ավելացնել կակաո: Ձվի դեղնուցը շաքարով հարել: Խտացրած կաթն ու թթվասերը խառնել: Առանձին հարել սպիտակուցը մինչև կայուն փրփուր դառնա: Թթվասերով խտացրած կաթը խառնել ալյուրին, հետո ավելացնել հարած դեղնուցը և ամենավերջում` սպիտակուցը: Այնուհետև ավելացնել կիտրոնի հյութի մեջ լցրած սոդան: Ստացված խմորը բաժանել երկու հավասար մասի և թխել  նախապես տաքացրած ջեռոցում` յուրաքանչյուրը մոտ կես ժամ: Թխված շերտերը մեջտեղից կիսել, բոլոր 4 կորժերը մի քանի տեղից պատառաքաղով ծակծկել և վրան մրգային օշարակ լցնել: Հետո կրեմ քսել, վրայից բարակ շերտերի բաժանած մարմելադ շարել:

Տորթի վերևն ու կողքերը ծածկել ջրային բաղնիքի վրա հալեցրած շոկոլադով, կեսը մուգը, մյուս կեսը` սպիտակ: Կարելի է ամբողջ տորթը ծածկել սպիտակ շոկոլադով, վրայից էլ մուգ շոկոլադով  ժամացույց պատկերել:

Կրեմ. կակաոն խառնել խտացրած կաթին: Կարագը լավ հարել, հետո գդալ-գդալ ավելացնել կակաոյով խտացրած կաթը: